13. 10. 2013- ripostim

Dinakeria është një process psikik i cili bënë pjesë në veset e qoroditura individuale dhe grupore, e kurresesi në virtytet njerëzore. Veset e shëmtojnë secilin përsonalitet, që me dashje apo pa dashje, që me dije apo pa dije mbështetet mbi to.

Dinakët që janë të përfshirë nga dinakeria e tyre, interesat e veta përsonale i vejnë mbi çdo interes kolektiv, shoqëror e kombëtar. Këta realizimin e interesave të veta nuk e mbështesin për asnjë qast mbi parimin e drejtësisë, parimin e moralit dhe humanizmit që i ka përcaktuar civilizimi njerezor. Për dinakët e dinakërinë e tyre është halë në sy e helm në zemër, parimi i drejtësisë, dinjitetit njerëzor, integritetit, ndershmërisë, kontributit, potencialitetit vetanak, durimit, edukimit dhe inkurajimit njerezor.

Parimet e tyre mbeshteten ne padrejtësinë, mashtrimin, poshtërsinë, antivlerat, mediokritetin apo degjenerimin e skajshëm. Të gjitha këto vese, dinakët i kamuflojnë dhe i mbështjellin me petkun e parimeve njerezore, duke folur në emër të parimëve e virtyteve,kurse praktikisht veprojnë sipas veseve të tyre plotesisht të shëmtuara.

Do të ishte në nderin tonë njerëzor të ecim brenda mundësive tona intelektuale që i posedojmë të mbështetemi sa më shumë mbi parimet dhe virtytet më të larta të drejtësisë, ndershmërisë, dinjitetit, kontributit vetanak e kolektiv, potencialitetit, durimit, edukimit dhe inkurajimit personal e kolektiv , si parime e virtyte më të larta njerëzore, nëse deshirojmë të ecim njerëzisht e kombtarisht drejtë sukseseve dhe majave më të larta të tyre. Veset janë fluska sapuni për suksesin, sepse ato fryhen e fryhen shumë, por në fund pelcasin e asgjë nuk mbetët prej tyre.

“Njihe veteveten”, kshillonte dikur filozofi i njohur Sokrati!

Sa shume kemi nevojë ta njohim vetëvetën e sa pak e njohim, edhe pse përpiqemi ta formojmë një bindje e ta gjejmë psehun e veprimeve tona dhe të kuptojmë me cilin potencial intelektual, emocional, shpirteror e moral posedojmë kur flasim, mendojm e kure veprojmë. Edhe pse mendojmë se dijmë diçka për vetëvetën, shpeshhër ai informacion për botën tonë të brendëshme, për potencialin dhe vlerat që i posedojmë, eshte i gabuar.

Pedagogjia, Psikologjia e Sociologjia kanë konstatuar se, njohjet për vetëvetën shpeshëher janë të formuara gabimisht nga ndikimi i shumë faktorëve, duke u nisë prej familjës, shkollës dhe mjedisit shoqëror, që i transmetojnë tek ne bindjet e veta për vlerat tona.
Vleresimi nga këta faktor, më shumë është subjektiv se sa objektiv, qoftë kur na vlerësojnë lartë apo kurë na vlersojne ultë, kur na vlerësojnë për të mirë, për të dijshëm, të ndershëm, kombtar e atdhetar dhe anasjelltas, shpeshëher mbretëron subjektivizmi dhe kapaciteti i ultë intelektual e profesional i atij që na vlerson.

Lexusi im i dashur, njihe, vleresoje, ngrite, perparoje dhe duje sa më shumë vetën, nëse ke dëshirë t’i duash e ti vleresosh sa më drejtë e sa më sakt edhe tjerët.

Do ta turperojme veten, familjen dhe kombin tone, nese presim edhe metej, të naj rregulloi punet Evropa e Amerika me fqinjët tane pushtues dhe të naj rregullojne punet tona të brendshme, nëse ato më pare nuk perpiqemi t`i rregollojmë vet e mos t`i shkaterrojme edhe më shumë ato. Kaluan mija vjeqarë e nuk mësuam dhe nuk po mësojmë ta njohim vetëvetën dhe t`i njohim situatat që i perjetuam nepër shekuj e vite që të mësojmë e të kalitemi të mos na përseritën gabimet e të ligat tona prap, dhe t`i përforcojmë vlerat që i kishim e të mësojmë nga gabimet tona që i kemi bërë dhe po vazhdojmë t`i bejmë.

“Mëkatet e tjerëve janë para syve tanë, mëkatet tona i kemi pas shpine”- Seneka

Mekati dhe gabimi më i madh është t`i fshehim mekatet tona pas mëkateve të tjerëve, në vend që më parë t`i shqyrtojme mëkatet dhe gabimet përsonale e të lirohemi prej tyre. Ky veprim i pa matur dhe fodull, na qone drejte gremines për theqafje. Sa shume jemi te ngarkuar me veprime te tilla, që na qojnë drejtë greminës e sa pak i hetojmë dhe i ndjejmë ato! Për këtë dukuri, populli e ka një mendim të artë:” Mekatari, tek tjerët e sheh mekatin dhe gabimin ma të vogël, tek vetja nuk e sheh as kalanë e mëkateve dhe gabimëve që i bënë gjatë jetës”.

Ekonomisti i njohur Adam Smith parashikoi se, “njerezit që i mbivlerësojnë mundësitë dhe aftësitë e veta, bëjnë një fodullëk absurd me punën që kryejnë, e cila vjenë nga trillimet e mendjemadhësisë që e kanë për aftësitë e tyre”.

Lexusi im i dashur, mos u merr me mëkatet e tjereve, para se të lirohesh prej mëkateve tua përsonale, nëse nuk ke dëshirë të ecish me vrap drejte greminës në theqafje! I juaj mësuesi Isë

27. 10. 2023

Komentues të nderuar edhe unë po e shfaqi mendimin tim përsonal rreth këtij fenomeni përqarës mbi baza fetare mes shqiptarëve, edhe ashtu të përqarë politikisht, fetarisht, ideologjikisht dhe regjionalisht.

Duhet ta kuptojmë sa më parë e njëherë e mirë se besimet fetare krishtene katolike, ortodokse dhe islamike, na kanë ardhë nga pushtusit tanë latino-romak- besimi krishten katolik. Nga pushtusit greko-bizantin e sllav- besimi krishten ortodoks. Nga pushtusit otomano-turk- besimi islam- musliman. përndryshe e gënjejmë vetën duke u përqar e hasmëruar mes veti ne shqiptarët, duke shitur patriotizëm të mjerë.

Kush bënë përpjekje té fus fyerje, urrejtje, përqarje, hasmëri dhe véllavrasje mes shqiptarëve, që ata nga besimtar në Zot, të konvertohen në ateist shqiptar, nga besimtar musliman të konvertohen në krishten katolik apo ortodoks, kam frikë të madhe se po e ndezin një zjarr të madh mes shqiptaréve, ku më parë mund të digjen në te, ndezësit e zjarrit e pastaj flaka do ta pérfshij gjithë shqiptarinë, sipas apetiteve të qarqeve të ndryshme anti shqiptare, që po e stimulojnë ndezjen e këtij zjari fatkeq!

Kujdesë mos ia shtini flakën kombit shqiptar, sepse ajo djegë e shkrumon si fajtorët dhe të pafajshmit, si të mirët dhe të kqijtë, si të ndershmit dhe të pandershmit, si budallejntë dhe të menqurit, si tradhtarët dhe atdhetarët, duke shitur patriotizëm të dresuar me dije apo pa dij, me dashje apo pa dashje nga armiqtë e kombit shqiptar! I juaj mësuesi Isë

22. 10. 2014- ripostim

Nëse nuk e menagjojmë mirë, drejtë e njerëzishtë paranë, ajo na menagjon jo mirë, jo drejtë dhe jo njerëzishtë. Paraja edhe pse mendohet se është qels univerzal i të bërit jetë të lumtur, gabohen të gjithë ata që vërbohen dhe bien viktimë e këtij konstatimi. Ajo nëse është dicka, nuk është gjithcka. Sepse ka edhe shumë faktor që mundësojnë një jetë më të dinjitetshme, më të begatshme, më humane dhe më të lumtur.

Po na menagjoi paraja, është një shpatë e mprehtë që na ndanë edhe me miqtë e pandashëm, pa të cilët jeta nuk ka kuptim. Kjo mund të na pasuroi, por njeri të edukuar, të dijshëm, të ndershëm, tolerant, të dashur, human, kombtar e njerëzor në raport me tjerët, sikur shkollimi e arsimimi nuk na bënë kurrë. Paraja na ofron grumbuj të mëdhej ushqimi, por oreksin që të kenaqemi me të, nuk na e jep, po ashtu nuk na jep edhe qetësinë emocionale e shpirteror.

Paraja nëse na menagjon zemrat, shpirtin, emocionet e mendjën, na ngurtëson na ngurtëson de na bënë akull trup, gjak e shpirt. Mirësinë, dhemshurinë, dashurin dhe mirkuptimin, talerancën, bashkpunimin, moralin, humanizmin e njerëzore, na e zhduk tërsisht në raport me të afërmit, me fëmijët, familjen dhe në raport me miqtë, dashamirët e në raport me kombin në përgjithësi.

Do të ishte në nderin tonë moral e personal, të mos e lejojmë në asnjë mënyrë të na menagjoj paraja, sepse ajo sytë, mendjen dhe shpirtat tanë përjetësisht do naj vërboi e dehumanizoi në raport me tjerët, me drejtësinë, me të vërtetën, njerëzoren e kombtaren, përmes “kurvërisë” së sajë. I juaj mësuesi Isë

15. 10. 2015- ripostim

Kohën e kemi dhuratë të barabart gjithë njerzit e botës pa dallim feje, regjioni, kombi, gjinije, politike dhe pa dallim race. Edhe pse na është dhuruar gratis, ajo është më e qmueshme se sa ari e dollari.

Nëse kohen e qmojmë dhe e vlerësojmë më shumë se sa arin e dollarin, shumë të mira të kësaj bote do ti posedojmë.

A thu po e vlerësojmë kohen për aqë sa e ka vlerën ajo? Jo! Sepse po e vrasim mizorisht shpeshherë ate! Por edhe neve sa e sa vrasjet mizore, po naj bënë ajo gjatë jetës dhe nuk po e kuptojm fare?!

Nëse e vrasim kohën kot dhe nuk e investojmë ate në shërbim të lirisë, pavarësi e bashkimit kombtar dhe trojeve tona, do të na vras ajo qinda herë më shumë me robëri, nënshtrim, poshtrim, coptim, përqarje dhe përulje mes pushtusëve tanë gjakatar, terrorist e gjenocidal sllavo-grek!

Nëse e vrasim kohen kot dhe nuk e investojmë ate të marrim sa më shumë dituri e edukatë, të paisemi mjaftushëm me dëshirë, vullnet, guxim, vendosmëri e dashuri, aftësi e shkathtësi për ta fituar lirinë e plotë, për ta mbrojtur atedheun, për ti bashkuar pjestë e tij, ajo do të na vret qindaherë më shumë neve me padituri, pa edukatë, pa vullnet e guxim, pa dëshirë e dashuri duke na e mpreh shpatën e tradhtisë ndaj atedheut.

Ata që e vrasin kohën me kotësira, ajo do t’i vras me budallira, varfëri e xhelozi, me përqarje, urrejtje, hasmëri e vëllavrasje mes shqiptarëve, duke i lënë pas shpine dituri e edukatë, vullnet e guxim, dëshirë e dashuri aftësi , shprehi e shkathtësi për atëdhe e për liri.

Lexuesi im i dashur mos e vraj kohën kotë, sepse ajo në të njejtën mënyrë do të na vras neve, ndoshta qindaherë më shumë! I juaj mësuesi Isë

04. 10. 2015-ripostim

Të gjitha problemet që po i ndodhin botës natyrore, botës shtazore dhe botës njerëzore, janë pasojë e mënyrës së sjelljeve tona, të cilat po manifestohen sipas nivelit të ndërgjegjës sonë dhe nivelit të ndotjes shpirtërore që e posedojmë dhe e manifestojmë në raport me natyrën, me shtazët, shpezët, insektet dhe në raport me njerëzit e kësajë bote.

Nëse punojmë seriozisht e sistematikishtë ta ngrisim sa më lartë nivelin e ndërgjegjës dhe ta pastrojmë e ta mbrojmë ndotjen e botës sonë shpirtërore, emocionale, intelektuale, morale, humane, sociale e njerëzore, do ta shpëtojmë nga katastrofa bota natyrore, njerëzore dhe atë shtazore.

Niveli ultë i ndërgjegjës sonë dhe niveli i ndotjes shpirtërore që e posedojmë, është shkaktar i shumë fatkeqësive natyrore, fatkeqësive të botës shtazore, luftrave të shumta mes njerëzve, numrit të madh të pastrehëve, vdekshmerisë së madhe të njerëzve nga varfëria, smundjet e ndryshme, luftrat e pergjakshme, deficitet e mëdha buxhetore, shkatrrimi në masë i ekosistemëve, vrasjeve të shumta kriminale, terroriste e gjenocidale!

Trafikimi me qenje njerëzore, drogimi i tyre me substanca narkotike, prosticucioni, papunësisa, korrupcioni, nepotizmi, uzurpimet, keqperdorimi i pasurisë shoqërore e kombëtare, ndarja, mbi baza fetare, mbi baza politike, kombëtare e racore dhe shumë e shumë dukuri tjera negative, të cilat pasohen shkaku i nivelit të ultë të ndërgjegjës sonë përsonale e kolektive dhe shkaku i nivelit të ndotjes së botës sonë shpirtnore, emocionale, intelektuale, morale, humane, sociale e njerëzore të cilat po pasqyrohen përmes sjelljeve tona vetëshkatërruese.

Lexuesi im i dashur, mbrojtja dhe pastrimi sistematik i botës sonë të brendëshme, bëhet përmes investimeve të përhershme kapitale që e qojnë përpara vetezhvillimin tonë përsonal dhe vetëzhvillimin tonë kolektiv, shoqëror e kombtar, duke i zavendësuar veset tona të liga e të shëmtuara, me virtyte njerëzore. Te gjitha dukuritë e shëmtuara vetëshkatërruese që u përmendën më lartë, janë pasojë e ndotjeve tona shkatërrimtare, që gjenden brenda nesh, fatkeqësisht!

Po deshëm me zemër e me shpirtë dhe me këmbëngulje ti eliminojmë veset e dukuritë tona të shëmtuara qe gjenden brenda nesh gjatë jetës dhe që po e vetëshkatërrojmë botën natyrore, shtazore dhe dhe botën njerëzore, do t’ia dalim. I juaj mësuesi Isë